Здраво на сите,
На ИТ форумот почнавме иницијатива за собирање на хардвер и компјутери кои луѓето не ги употребуваат и им фаќаат простор и прашина. Еве ја официјалната тема:
http://it.mk/chlenovi-na-forum-aktsija-za-donirane-na-kompjuteri-za-nastradanite-vo-poplava/Доколку имате компјутери или друг вид на хардвер кој не го употребувате, ве замолуваме да го донирате. Доколку има некој заинтересиран нека ме контактира мене.
Иницијативата се покажа како успешна и за два дена собравме нешто помалку од 10 исправни компјутери и бајаги други компоненти. Планираме да не застанеме со само мала бројка.
Иницијативата некому можеби ќе изгледа непотребна но помина времето кога компјутерите беа луксуз и денес се секојдневна потреба. Бидејќи луѓето од поплавените места се земјоделско население, а поради големите наноси на кал земјиштето нема да можат да го обработуваат уште најмалку 3-4 години, се очекува покрај еколошка да ги снајде и хуманитарна катастрофа. Нашата идеја е да ја намалиме истата бидејќи во таа област имаме моќ да помогнеме и да поставиме пример за донации од разни други типови.
Прочитајте го натписот и разлистајте ја темата во врска со тоа што е потребно. За директни и детални информации контактирајте ме мене лично преку ПП.
Имајте на ум дека ова го прават исклучиво волонтери кои двојат од своето време за да бидат од помош. Затоа ценете го нивното време. Ние не сме иницијатива за собирање информатички отпад туку функционален хардвер. Се што е донирано подлежи на темелно тестирање за исправност, а компонентите се комбинираат најдобро што се може, затоа ве молиме без донирање на неупотреблив и дефектен информатички отпад. Прочитајте во темата на ИТ форумот.
Благодарност до сите лица и фирми кои ќе ја поддржат оваа иницијатива.
