Сакам да споделам нешто во врска со оваа тема.
Имам еден другар што ми се жалеше дека халогенките на фаровите (Н4) не му траат долго.
Рандом брендови на светилки издржувале рандом време, од три месеци до не повеќе од една година...
Еднаш кога бев кај него на гости муабетевме на таа тема, и ај во гаража да видиме што е работата...
Има Golf 3 Variant, го вози најчесто преку ден и над 90% од времето со кратко светло, и после неколку казни за возење без светло ме замоли да му ставам некој индикатор што трепка ако ја стартува колата, а заборави да ги вклучи светлата.
Е сега за проблемот со светилките на фаровите, најчесто му горело краткото светло, во гаража имаше најмалку дваесетина светилки со изгорено кратко а исправно долго светло.
Еднаш кога дошол дома навечер, ја изгасил колата но не ги исклучил светлата и забележал дека кога го изгасил моторот светлата светеле за неколку нијанси послабо отколку со стартуван мотор.
Земал мултиметар да мери на краткото светло колку напон имало на исклучен мотор а колку на вклучен.
Измерил 11,4 волти на исклучен и 13,7 волти на вклучен мотор (алтернаторот мора да дава повисок напон за да може акумулаторот да се полни).
За секој случај, го врзал мултиметарот на светилката како амперметар, и видел дека светилката влече малку повеќе струја на 13,7 волти отколку на 11,4 волти.
Според некоја логика, на пакувањето на светилките пишува дека работат на 12 волти а не пишува дека е безбедно да работат на 13 или 14 волти, па според тоа заклучил дека поради повисокиот напон светилката генерира повеќе топлина и светлина, и поради тоа и е намален векот на траење.
Ме прашуваше дали може да се направи стабилизатор на 12 волти барем на краткото светло, па колку толку да се зголеми векот на светилката.
Јас му реков дека може, но му предложив поедноставно и поевтино решение.
Имено, силициумските исправувачки диоди имаат пад на напон од 0,6 до 0,8 волти по диода...
Земав две диоди и ги поврзав сериски, вака ( ----|>----|>---- ) и со тоа измерив пад на напон од 1,6 волти.
Диодите беа со максимална струја од 10 ампери и бидејќи краткото светло е 55 вати и според тоа 55:12=4.58 ампери што значи дека можат да ја издржат таа струја без проблеми
Ги скинавме жиците за кратко светло и ги монтиравме диодите.
При мерење со стартуван мотор на краткото светло пред диодите измеривме 13,7 волти, но после диодите измеривме 12,1 волт.
Претходно другаров имаше инсталирано нови Осрам Најтбрејкер кои му издржале околу седум месеци, а имаше од истите уште еден пар како резерва.
Ги ставивме новите со оваа модификација, и да чукнам во дрво еве како ги вози истите веќе четврта година по ред.
Вели дека нема голема разлика во светлината без и со диодите, најбитно му било да не фрла многу пари на светилки.
Е сега, да не ме сфатите погрешно, не велам дека сме измислиле топла вода или којзнае што, ама мислам дека нема што да се изгуби многу ако се испроба оваа финта.
