После долго читање на Англиски, Германски, Руски форуми се одлучив да вградам темпомат во мојата кола.
Првин треба да проверите дали вашата кола има подготовка за вградување на темпомат. Потребно е да се извршат следните 2 чекори
Прв чекор
Потребно е да се извадат пластиките кои го прекриваат столбот од воланот. Најпрвин го вртиме воланот десно за околу 45 степени и го одвртуваме штрафот со штрафцигер торкс Т20 означен на сликата:
Го вртиме воланот на лево додека не го видиме штрафот и тој го одвртуваме.
На крај под воланот кај рачката за отклучување на воланот за подесување го одвртуваме штрафот означен со стрелката:
Го тргнуваме клучот од брава и рачката за подесување на воланот ја ставаме во отклучена положба и воланот може да оди лево/десно, горе/доле.
Ги тргаме пластиките и доаѓаме до ова:
На конекторот означен со црвен круг гледајќи од левата страна потребно е првата жица да е бела додека втората кафено-зелена:
Чекор два
На педалата за кочница потребно е да имате 2 switch-а како на сликата:
Додека на педалата на куплунг еден како на сликата:
Напомена: Иако ги исполнувате овие два чекори не значи дека ќе биде успешна операцијата на вградување темпомат.Најпрвин ви треба волан со темпомат или само копчињата за темпоматот заедно со пластичната рамка во форма на буквата "V"
После 15 минути откако е извадена негативната клема од акумулаторот почнуваме да го демонтираме аирбегот.
Тоа се прави како на сликата
Вметнуваме прав штрафцигер од едната страна и го притискаме железната пружина (ако може така да се нарече) а со другата рака го повлекуваме аирбегот во правец накај нас (возачот). Го правиме истото и на другата страна и перничето е извадено. Доколку не ви успее од прва пробајте пак бидејќи потребно е прилично силно да се повлече перничето.
Постојат 2 опции кои можат да се направат:
Едната е да се извади цел волан и да се стави другиот волан со темпомат
Втората е да се извади пластичната рамка од воланот заедно со копчињата и да се стави на вашиот волан.
Јас ја направив втората опција.
Со помош на штрафцигер торкс Т10 ги извадив штрафовите означени со црвен круг и ја извадив пластичната рамка и копчињата.
Истото го направив и на мојот волан
Ги ставив копчињата и рамката и ја повторив истата погоре објаснета постапка во обратен редослед за да вратам се на место.
За активирање потребно е да се обратите кај овластен сервисер кој има ford ids и пристап до etis или пак да го направите како мене со elm327 модифицирано со hs/ms switch преку програмата forscan.
Успат си активирав и global open/close.
Доколку имате некои прашања слободно прашајте и ако сум во можност ќе ви одговорам.
