Од пред некој месец сум член на форумов и искрено ми се допаѓа да читам за коливе. Порано не ме интересираше многу али не знам ете од скоро време ми дојде желба да ги проширам интересите и знаењата и во овој дел од техниката.
Видов дека има дел кај што секој може да си ја претстави колата, па еве и јас дојдов на ред.
Значи, се работи за Голф 4-ка тди, 90кс од 1998 или како што некои ќе речат, најдобриот мотор од Фолксваген групацијата, а воедно и како модел ми се чини најувезуваната и највозена кола кај нас
Колата ја зедовме од Битола, пред нешто повеќе од 2 години, а претходно 2011 била увезена од Германија. Има поминато моментално околу 157 000 км. Кога ја зедовме со околу 149 000, проверката на компјутер покажа толку, а и мајсторот кажа дека наводно не биле враќани. Јас секако не верувам али не ми е ни битно. Битно ми е како колата се однесува, а досега за 2 години и околу 8000 км поминати, се покажа многу добро па и не ми е ни важно дали има 150 000 или 250 000 км...
Од опрема има:
- Електрика на стакла, напред и назад
- Електрика на ретровизори, ваљда имало, ама копчето е изгледа скршено така да нема
- Затемнети стакла, со атест
- радио со CD Кenwood
- ABS
- централно заклучување
- Airbags (возач и совозач)
- recaro седишта
- алуминиумски бандажи, 16-ки
клима НЕМА и знам дека доста оттука можда ќе ме критикуваат али тогаш имавме ептен ограничен буџет за купување кола така да не ни беше важно дали има клима или нема.
При купување, првата проверка на компјутер не покажа никакви проблеми, дури мајсторот ми рече: последните 100 км ти се со 4.8 л/100км потрошувачка
разлика небо и земја со претходниот стокец, ама нели и затоа ја баталивме таа и го зедовме голфот.
Што досега имам сменето/сервисирано:
- Ксенон светла, пошто старите прегореа и онака. околу 3000 ден.
- сензор за ABS, 1000 ден
- првиот сервис одма кога ја зедовме: манжетна на полуосовина, манжетна друга, водна пумпа Аиртекс, ребраст каиш Гатес, затегачи Ина. 5-ти штрафови за тркалата, сето заедно 10 500 ден.
- нов акумулатор, White Horse 74 Ah 3700 ден.
- На 153 300 км сменето масло во мотор, филтри маслен и воздушен и дотурен антифриз, не знам точно цена колку беше ова, али отприлика по сеќавање околу 2500 ден.
- сменет штраф на носач на мотор, 1000 ден.
За во иднина планирам некои корекции на каросеријата, ако се можни секако и освежување на бојата, полирање итн...не знам што точно треба и дали е истото изводливо, пошто реално колата има гребаници, мала рѓа на поедини делови, не е идеална, али тоа е данокот на кола 17 год. стара, затоа и секој ден истражувам пазар, да бидам колку толку подготвен за кога ќе ми се укаже шанса, за година-две можда, да си земам нешто поново.
Најбитно засега е што ме вози за ефтини пари
