Мануелно подесување на светла?

[tupacan]

Здраво друштво, не знам дали е за тука темава, доколку не е простете и преместете ја.

Можеби нубско и глупо прашање, но како мануелно да ги подестам светлата? Премногу ми се насочени кон земјата, околу 1m-2m имам видливост со средни (кратки) светла. Долгите се океј, само за кратките прашувам. Се работи за Fiat Stilo 2001 година. Имам електрично подесување, но нема голем ефект, можеби моторчето е при крај или цркнат.. Како и да е, претпоставувам дека секоја кола има мануелно подесување на светлата.

Ви благодарам на времето, поздрав.

[velestrumf]

Јас би ти препорачал да отидеш до некоја станица за технички преглед, да ти ги наштелуваат светлата. Најчесто е бесплатна услугата.

[Tischläufer]

Чим е Фиат најверојатно нешто е цркнато, дали моторчето или лимаријата
Да појдеш на мајстор кој ги познава тие возила или како што вика Shtroompfh на технички преглед.

[Simo - Carrier159]

Прво, ако моторчињата работат, а светлата се толку ниско, тогаш многу веројатно сијаличките во самиот фар не се наместени како што треба. Погледни во самиот фар како стојат сијаличките, треба да стојат во правец директно кон рефлекторчето. Ако се накосо, мора да вадиш сијалички и да ги наместиш наново. Малку е зае*ано стилото за местење сијалички, па би ти препорачал да го извадиш предниот браник, отштрафиш фаровите од лежишта, наместиш убаво сијаличките и вратиш назад. Иако вака звучи драстично, се работи за не повеќе од 20 штрафови и не повеќе од 1 час работа (откако ќе ти стане пракса). Ако пробуваш да ги вадиш од просторот за мотор, може да ти биде позае*ано, на едната страна мора да го отштрафиш садот за течност за брисачи, на другата = металното лежиште за акумулатор.

Ако сијаличките се наместени како што треба, тогаш на самите фарови има два пластични штрафа - на секој фар. Едниот е за позицијата лево - десно, дригиот е за висината, горе - доле.
Стилото  ако се сеќавам има 1% пад на снопот, што значи на секој метар светлосниот сноп паѓа 1cm во однос на центарот на фарот.
Значи, за 10м, треба да падне 10цм.
Потребен ти е ѕид, со хоризонтална површина пред него од барем 14 метри.

1. Ја поставувач колата со браник залепена до ѕидот, ги бележиш центрите на снопот на левиот и десниот фар на самиот ѕид со добро видлив маркер (крстчиња се одлични),
2. Обележи крстчиња на ѕидот на местата каде што треба да биде центарот на снопот кога колата ќе ја вратиш 10м назад. Тоа е 10цм под првите маркери.
3. Врати ја колата назад, така да фаровите бидат на 10м од ѕидот. Покриј го едниот фар, да не ти пречи, со помош на подесувачите, подеси го снопот на тој фар, така да центарот дојде точно на обележаниот крст.
4. повтори јапроцедурата и за вториот фар.
Job Done!

Потребен алат, ако добро се сеќавам 7-ца или 8-ца, (мислам 8ца дека беше..) цеваста, од оние на штрафцигер што се местат, по можност со зглобче, ама и не мора, ќе се измачиш малце, ама ќе си ги подесиш.

Уште еднаш да напоменам, за толку ниско да бидат, или сијаличето не е во фокус, или фаровите не се добро наместени на лежиштата. Би ти препорачал да го демонтираш браникот и да испиташ зошто толку ниско се во моментов.

[tupacan]

Превише буквално ме сфативте, т.е. јас се лошо изразив. Не мислев на буквално 1 метар.

Како и да е, фаровите и сијаличките се добро наместени, ќе ја пробам методата на Симо, би требало да помогне.
Ти благодарам Симо.

[Vlatce-Vectra]

Abe grubo kazano koga kje vozis pozadi nekoja kola gledaj snopot da ti bide vo visina na branikot na toj pred tebe togas ti se taman podeseni da ne smetas na nikoj pred tebe i da imas normalno osvetluvanje pred tebe..
Odi na nekoj parking zastani pozadi nekoja kola na edno 3-4m zapali svetla i vidi visinata sprema branikot na toj pred tebe nekade vo visina na nad kolenica

[tupacan]

Ова е оригинален фар за Стило. Дали тие што ги бележав со црвено се за подесување на светлото?

http://i.imgur.com/EmxMeit.jpg

Денес разгледав, ми се виде само еден штраф (или што и да се), пластичен и изгледаше како да е правен за да се врти со рака, но самото место некако е претесно за да го завртиш со рака. Не сакав да давам голем отпор пошто не знаев дали тоа е тоа. Сугестии?

[Simo - Carrier159]

ДА, тие се. едниот се гледа, другиот е поднабутан, ама ќе го најдеш Е сеа кој беше за лево-десно, кој за горе-доле, не ми текнува. Обично оној понепристапниот е оној што тебе ти треба

A, да... ќе заборавев... кога ги подесуваш, подесувањето во кабина, на 0 стави го, и празен гепек, без патници во кола!