Изгледа не беше доволно тоа што под капакот на "M5" за прв пат по претставувањето на оваа суперлимузина ќе се најде турбо наместо атмосферски мотор, па така од Минхен ни следува уште едно изненадување.Новото "M5" ќе се нуди со погон на сите 4 тркала, официјално потврдуваат изворите на "BMW" од британскиот Автосалон.
Сега за сега, во Минхен внимателно се кријат деталите, но инсајдерите тврдат дека ова би требало да биде последното изненадување кога е во прашање спортскиот крузер и дека "BMW" нема планови да произведе и верзија со продолжен меѓуосовински простор за кинескиот пазар, како што се претпоставуваше.
Концептуалното "BMW M5" кое од серискиот модел ќе се разликува во повеќе детали за прв пат беше претставено во автосалонот во Шангај.
Светската премиера на автомобилот е најавена за на автосалонот во Франкфурт во септември, а автомобилот ќе се најде во продажба на почетокот на вториот квартал од 2012 година.
Засега не е се уште познато кога може да се очекува на пазарот верзијата со интегрален погон.
Новиот "М5" би требало да биде произведен со засилена верзија на 4,4 литарскиот V8 мотор од моделите "X5 M" и "X5 M" кој развива дури 578 КС i 690 Њм обртен момент, што би требало да биде доволно за 3/10 пократко забрзување до стотка и дури 30% помала потрошувачка од претходникот - атмосферскиот V10 мотор.
Новата генерација "M5" наводно ќе биде способна без електронски блокади да достигне брзина од 300 км/ч.
