Ја пробал некој stronglifts 5x5, или некоја друга програма?
Да. Што те интересира?
Дали е ефикасна, или е млатење слама.
Освен 5х5, препорачај некоја за почетник во теретана. Не ми треба тело за на плажа, а фитнес тренериве по 12.000 бараат за 3 пати неделно-1 месец.
Стронглифтс е прекрасна програма за градење многу сила, многу брзо. Нема врска со тренери и со бодибилдинг. Пишувано е и тука. Поентата на стронглифтс е да стигнеш до многу сила за најкратко време, и после тоа да почнеш со тоа што сакаш. Ти ќе си одлучиш што ќе е следно, дали 5х5 или олимписко кревање или пливање или бодибилдинг или што и да е.
Како да појаснам, ајде вака.
1. Ако си слаб и земеш да билдаш или спортуваш ќе ти треба доста време за да почне тоа да има поента. Да осетиш разлика. За 1 година ќе качиш од 40 на 60кг чучњеви, рецимо.
2. Ако си слаб, стронглифтс ти дава можност за 2 месеца да стигнеш од 40 ан 100кг чучњеви. За 3 месеци имаш стабилни 100кг на чучњеви. И ти остануваат 9 месеци од таа година да билдаш со 100кг нозе! Наместо со 40-50. И за тие 12 месеци ќе имаш енормна разлика од точка 1.
Значи Стронглифтс дава многу големи ефекти за многу брзо време. Во поглед на сила! Значи само сила, не изглед. Изглед минимално. И после него ти остава да се занимаваш со што сакаш.
Тешкото е тоа што стронглифтс е пред се вежбање на централниот нервен систем, и на многу мускулни групи одеднаш, и нивна меѓусебна координација. Со други зборови, тешко е. Психолошки е тешко. Целосните вежби кои се основа на стронглифт се тешки по дефиниција зошто го вклучуваат целото тело одеднаш, но и мозокот и нервите.
Услови се:
1. Да ја следиш програмата.
2. ДА ЈА СЛЕДИШ ПРОГРАМАТА!
3. Читај точки 1 и 2.
4. Следи ја програмата, не измислувај топла вода.
5. Не крати, следи ја програмата.
6. Не додавај, следи ја програмата.
7. Не прескокнувај, следи ја програмата.
8. Дај и шанса на програмата, остави ги твоите размислувања.
9. 3 месеци бара од тебе! Се на се! Потруди се.
Ако ги исполниш овие 9 услови ќе е полесно. Зошто? Ама ја можам 40кг зошто да почнам од шипка? Така. Зошто таква е програмата. Мозокот го тренираш на прогресивно оптеретување, не на дигање 40кг. За 3 месеци програмата вика дека си од 0 на 100кг чучњеви, ти мислиш дека можеш побрзо од тоа? Не можеш. Пробале многу. Затоа, ригорозно следење, редовност, и посветеност. 3 месеци, ништо повеќе. Толку е целата работа.
Е сега, кога веќе привршивме, важно е формата на вежбите да е совршена. Но тоа нема да е тешко, затоа што почнуваш од 0. И имаш 5-10 тренинзи да работиш со минимални тежини според програмата, и лесно да ја совладаш техниката. Вежбите мора да се совршено изведени. Не е тешко, нема мене ми е вака полесно, така треба. После 3те месеци, ќе видиш зошто. Затоа што таа техника, и тоа прогресивно оптеретување и тренингот на централниот нервен систем ќе ти покаже што всушност ти можеш. Ама после 3 месеци, не одма. Наведнувања ќе се полесни, кревање на лубеница ќе е интересно а не тешко, итн итн.
