Добро е да се спортува!
Ние вчера со кумот бевме во меана, испивме по печеснаес ракии, па откако кафаната мораше да затвори се префрливме кај него во клуб. Арно ама, бидува ли професионален билијард клуб без жива музика после работно време? Па не бива и затоа ние си требовавме 5 музиканти да ни свират само на нас двајца и спортски издржавме до пред да се раздени. Во прилог извадок од спортскиот маратон:
Утрово бев немилосрдно разбуден од караконџата (мојата мила сопруга) и син ми, па со помош на кафетини, аналгини, кисела вода и кафе се трудам да преживеам.
За 1 саат имам нова утакмица - ќе играме прасе на ражан со пропратни керифекии. Во текот на денешното попладне или утрешниот ден ќе приложам видеа и фотографии и од овие спортски игри.
