Мислам дека и досега сме пишувале на тема свеќици , и веројатно во добар дел и ќе се повторам.
Иако на мене лично ми се интересни овој вид на полемики, кога секој може да ги истакне личните искуства и перцепции на работите од аспект на возач или хоби ентузијаст, како професионално ангажиран во дејноста го немам тој луксуз, па ќе треба да одговорам стандардно (т.е. сувопарно и досадно)
Во делот на свеќиците препораките на производителите на автогасни уреди се мошне едноставни и јасни – да се користат свеќици кои се предвидени од производителот на конкретното возило.
Таа препорака стои и во сервисните книшки за новите возила со предпродажно вграден плински уред и кои производителите на возила ги продаваат опремени со плински уред
Самите плински уреди се дизајнирани и се тестираат на возила со оригинални делови, без употреба на посебни свекици.
Верувањето дека сите производители на свеќици се фер и дека нема да искористат ‘финта” за да продадат што повеќе свеќици во сегментот на возила со автогасен погон морам да го споредам со верувањето на домаќинките во рекламите за нов детергент “кој све пере”. И во двата случаи следува разочарување кога ќе се покаже дека тоа е истиот стар производ во друго пакување со повисока цена.
Предноста кога се работи во фирма која блиску соработува со гигант во автомобилската индуструја како што е Ланди Рензо, е достапноста до информации за се што е поврзано со плинските уреди, заради што сум слободен да кажам дека многу покорисно е парите да се вложат во квалитетен производ од реномиран производител, отколку на свеќица на чија паковка има отштампано “за ЛПГ”.
На крај, Плимонт на форумите се претставува и дава мислења само под никот Плимонт, под никое друго име, и не ме радува фактот што одредени ник-ови со дел од своите постови (“демек” мислења) го користат форумот заради нечија лична корист.
