Извинете за офтопик
Друже НеВеНР, ти си д-р што работиш во друга држава?
Доколку да, претпоставувам еден од многуте кои за жал си отидовте од мк...
Колку е жално ова што ни се случува со егзодусот на лекари. Жално и за лекарите и за пациентите.
Те поздравувам и ти посакувам успешна кариера.
Фала
@Bravo, работам во Германија,поточно во покраината Саксонија, моментално како специјализант по интерна медицина.
...
Фала богу доктор да се јави на темата. Само пази се, да не ти извадат линкови од некаде, па да мора да си ја сокинеш дипломата.
Линкови не признавам, освен ако тоа не се научни трудови на официјални страни за објавување на научни трудови. Така функционира медицината или нешто се има сменето а јас сум пропуштил во меѓувреме :/ Eве скоро една година помина а уште не сум сретнал толку тврдокорни пациенти како порано, дома мака мачев секој ден да се докажувам со некои и мислам дека останавме недокажани.
@NeVeNR ај ако не ти е тешко да објасниш подетално за болдираното? Мојов е 2 ипол па затоа ме интересира, која е границата за тие "први неколку години"
''Третиот крајник'' е лимфно ткиво кое по правило расте кај децата од раѓање па некаде до 5-7 години, во првите 2-3 години не расте брзо или не расте толку брзо за да покаже симптоми на механичка опструкција кај децата. А тоа значи носната шуплина не комуницира добро со устата, притисокот во ушите не може да се изедначи вака лаички објаснето и затоа особено кај деца кои дишат само на уста, имаат барем 3-4 пати годишно долнореспираторни инфекции (бронхит или бронхопневмонија), често имаат ушни инфекции со опасност за трајно оштетување на слухот, редовно мораат да земаат антибиотици итн се планира оперативно отстранување.
Кога се оди на преглед кај ОРЛ се прави флексибилна фарингоскопија или преглед со фарингоскоп (со обичен преглед на грло кај матичен трет крајник не може да се види) и притоа се земаат во предвид горенаведените работи и доколку е потребна операција обично се организира минимум на 2 години, идеално над 3 години и идеално на пролет или на есен, заради тоа што детето треба да е комплет здраво и заради можни копликации со анестезија. Ако детето ти е стасано до тој степен, тогаш препорачувам упат до Козле, таму има добри ОРЛ-лекари кои подобро ќе го водат детето заедно со тамошните пулмолози од приватните.
"Третиот крајник'' спонатно инволуира после да кажеме 7-та година, па некаде до пред или после пубертет/адолесценција. Затоа кај најголем дел од децата се чека и не се оперира. Има и други крајници, тонзиларни и тие знаат да прават проблеми, тие се гледаат со обичен преглед со шпатула.
Сума сумарум, преглед на трет крајник може и порано да се направи, прашање е што ќе се добие со тој преглед и што понатака. И да се открие зголемен трет крајник, ова ретко се случува, не верувам дека некој ќе се нафати да оперира толку мало дете.
