Имав можност да работам 4 години во фирма во Македонија каде што се произведуваа одливци за ZF
Контролата беше на неверојатно високо ниво, од рентген контрола до мерни контроли и тестирање на издрживост ( динамичка и статичка) . Тоа самиот нарачател го бараше од фирмата каде што работев ( не би откривал ). Исто така додека работев таму посведичив и дека делови за Мерцедес (исто така одливци) се произведуваа во Ресен(приватна фирма исто така). Секоја испорачана пратка до нарачателот(кој потоа ги обработуваше дополнително и комплетираше како склопови) беше контролирана од самиот нарачател и ако имаше проблем се враќаа деловите. (се разбира, на трошок на производителот на одливците)
Е сега, што ми е поентата. Кога станува збор за Кина, неопходна е надворешна контрола, особено на влез на полуфабрикатите. Кинезите најчесто штедат на материјал, во поглед на квалитетот и конзистентноста, а исто така и на дополнителните преработки кои одземаат време. Нив не им е проблем да ангажираат 100 кинези, но проблем им е ако некоја машина им стои зафатена долго време. Пример од досегашното искуство - термичката обработка често ја прават лошо ( дали стакло, дали метал). Секој метален обработен дел најчесто подлежи на термичка обработка за подобрување на механичките својства ( обично челичните делови се подложат и тоа на калење и тоа локално во контролирани услови. Кај јабучиците делот кој е скриен, куглата, мора да биде површински закалена, често и нитрирана, за да се постигне голема отпорност на абење, а внатрешноста мора да остане жилава и незакалена-бидејќи ќе биде крта и при мала деформација може да се скрши). Тука е проблемот со кинезите - често ја прескокнуваат оваа термичка обработка.Како што ќе видите во слајдовите подолу се штеди и на завршна обработка - полирање. За да заштедат и постигнат поголем профит, или ќе ја утнат или нема да ја спроведат воопшто. На прв поглед не се забележува дали некој дел е закален или не, потребно е искусен испитувач и инструмент за да се провери површинска тврдост. Затоа, доколку постои нарачател кој ги проверува деловите кои му се испорачуваат, тогаш и да е во Кина, мора да задоволува критериуми. Но, ако се остават кинезите без надворешна проверка, т.е. да се работи за фалсификат, тогаш е ризик.
Според мене, АКО се сака, може државата да ги заштити граѓаните од фалсификати. Со секој нов официјално увезен производ, обавезно од производител ќе се бараат карактеристиките на материјалот да ги дефинира и кога ќе се внесува пратката кај нас ќе оди на институт за испитување, дали материјалите на производот ги исполнуваат карактеристиките. Не сите производи, туку случајно избран примерок. Да, ќе има многу работа. Но, да, има и многу лјангачи по државните институции, вака барем ќе се спрегнат. А и за испитување може да одат на Машински факултет, таман пракса за студентите....
И тн.
Туку никој не искоментира за онлајн продавницата. Некој заинтересиран за оригинални делови? Не се скапи како кај нас, само транспортот кини многу.
