Наскоро пристигнува новата генерација на Honda Civic чија премиера е закажана за претстојниот салон на автомобили во Франкфурт, а во предвечерје на настанот Honda објавува неколку нови детали за неа.
Според информацијата која доаѓа од Honda најзначајно кај новата генерација на Civic е тимот на конструктори и инженери кои работеле на нејзиниот развој, а доаѓаат директно од светот на Формула 1 каде конструирале болиди.
Новиот Civic ќе биде исклучително тивок и квалитетен автомобил со одлични динамички карактеристики каков што до сега не е напреване во оваа класа. Најважниот елемент е одличната аеродинамика.
Имено инженерите кои работеле на проектите во Формула 1 биле задолжени да ја скројат шасијата и аеродинамиката на Civic и успеале да постигнат неверојатна комбинација од низок отпор на воздух и одлична стабилност при високи брзини.
Долгите часови минати во воздушен тунел условиле значително да се намали шумот од струењето на воздух со новодизајнираната линија на кровот и аголот на премин на предното стакло во кровот.
Шефот на развојниот тим на Civic, Казуо Сунаоши истакнува дека кај новата генерација на Civic нивото на вибрации и шум е пониско од нивото на шум на најголемите конкуренти во сегментот.
http://www.vozi.com.mk/vesti/novata-honda-civic-e-najtivka.html
