12.07.2011
Hyundai работи на развој на суперспортски автомобил со погон на задни тркала и моќен V8 под хауба чија задача ќе биде да им се конкурира на Corvette, и на Jaguar XK на американскиот пазар.
Во моментот се прави основата за развој на купето за кое сеуште не се знае дали ќе носи мотор поставен напред, односно напред-централно, зад предната оска или пак, централно во шасијата зад кабината.
Моторот ќе биде доработена верзија која сега се вградува во седанот Hyundai Genesis R-Spec и каде пакува 430 КС и 510 Nm кои кон задните тркала се испраќаат преку осум степен автоматски менувач.
Колку американски мустанзи ќе извлечат инженерите на Hyundai од својот 5.0 литарски V8 останува да погодуваме, но инсајдери на марката велат дека моќноста ќе отиде преку 500 коњски сили.
Се очекува суперспортистот на Hyundai на пазарот во САД да се нуди по цена од 100.000 долари. А кога ќе пристигне на пазарот сеуште не се знае. Затоа од сестринската марка Kia најавуваат дека нивниот спортист со V8 ќе го видиме во оваа есен Франкфурт.
http://www.vozi.com.mk/vesti/hyundai-gotvi-superavtomobil.html
