Малку подолг текст поврзан со гуми.
9 години и некој месец и 46.000 км поминати откако е купена.
Просек 5.000 годишно или 400 и кусур месечно.
Оттука, зимските гуми имаат одживеано 9 зими и поминато околу 1.200 км по сезона, односно околу 11.000км вкупно, бидејки зимно време жената ја вози строго до работа и назад.
Денес ги прегледав "професионално" гумите (s3+), немаат никакви озонски пукнатини, немаат откорнати парчиња, ламелите се малку укрутени но не се камен како што имам видено после возење преку лето.
Откако ги монтирав ја извозев утринава малку поагресивно да видам како се однесуваат. Немам никакви забелешки, колата се движеше предвидливо и без никакви изненадувања, поголема агресивност од тоа што го извозев е веќе барање на бељата, а богами и одземање возачка доколку ме евидентираат службените лица.
Одговорно тврдам дека гумите се безбедни за нормално возење и солидно кочат доколку се појави непредвидлива ситуација.
Направив груба пресметка и за летните Ханкук кои дојдоа со колата.
Ги сменив во 2019 во Март бидејки есента 2018та кога ги менував со зимските, приметив озонски пукнатини, откорнати парчиња на нагазната површина и почна често да се активара абс при малку појако кочење (често и ја крадам на жената).
Значи, летните изгураа 7 летни сезони и околу 28.000 км.
Заклучокот е дека летниот период повеќе ги "старее" гумите, без разлика на малкуте прејдени километри. УВ зрачењето и врелиот асфалт си го земаат данокот.
Првичниот план со гумите ми беше да не барам втор сет бандажи за зимските (не ги ни имаше на огласи), и откако ќе им помине "рокот" (летни/зимски) да прејдам на allseason гуми како најлогичен и најразумен избор соодветен на начинот на експлоатација на колава.
Но во меѓувреме ме изнервираа по нашиве вулканизери (престегнати мутери, утнат правец на ротација...) и повторно почнав да проверувам по огласи и успеав да најдам од Мазда кои ќе одговараат на i10кава.
