Здраво клабери,
Верувам сите сте имале проблем со лош мирис од климата и вентилацијата воопшто. Инспириран од советот на
@Drive-r со некоја „надградба“ решив да споделам како помина тој експеримент кај мене.
Доколку се прашувате „шо замара сеа овој, има таков спреј за 300 ден“ мое е да ви кажам дека резидуалот од пената остава како маснотија низ вентилацијата. Бар од мое искуство.
Успешно, се разбира, инаку немаше да пишувам сега
Што ви е потребно:
1. Дезентал 5% (концентрат) 20-30 мл
2. Шприц, по можност од 20 мл за да не мора да го надополнувате често.
3. Во аптека ќе побарате „систем црево“ чини 15 денари
4. Наважното, нов филтер за клима.
1. Најпрвин го вадите стариот филтер за клима и убаво усисувате со некој додаток во делот каде што стои. Внимавајте да не има некои алуминиумски решетки за ладење, да не ги оштетите. Ако имате компресор/можност за дување на правосмукалката искористете го тоа и дувајте во сите вентилациони отвори.
2. Потоа го земате систем цревото, го сечете на краевите од додатоците што се со него, едниот крај го превиткувате да биде како буквата U само во хоризонтала, и со некоја жичка убаво го стегате за да не може да протекува од таму. Со иглата од систем цревото правите 4 дупчиња како во круг. За проба да имате претстава со која сила треба да стискате на шприцот, наполнете го и правете симулација, нормално не на колата. Без гајле, иако цревото во дијаметар е колку врвот на шприцот, влегува. Ставете некакви наочари бидејќи концентратот не е добар за очите ако случајно си шприцнете.
3. Откако го пробавте чекор 2, наполнете го шприцот и цревото и терајте низ отворите и лежиштето на клима филтерот, тука пожелно е да ставите некое старо крпче под истиот за да не ви прокапе на патосниците.
4. Наместете ја вентилацијата на најслабо, внатрешна циркулација и греење, затворете ја колата и оставете ја да работи едно 20 минути. НИКАКО не седете внатре.
5. Отворете врати, почекајте минута да се проветрее и оставете ја колата да отстои вечерта. Ако имате двор, можете и прозорите да ги потспуштите 2-3 цм.
6. Следниот ден ставете го новиот филтер.
Тоа е тоа, минимален мирис ќе има уште ден два.
НЕ ПРЕВЗЕМАМ НИКАКВА ОДГОВОРНОСТ, ПРЕД ДА КОРИСТИТЕ ДЕЗЕНТАЛ ПРОЧИТАЈТЕ ЗА НЕСАКАНИ ДЕЈСТВИЈА.
