Skoda Felicia Combi 1.3 LX

[Shuriken]

Поздрав народе!

Сакам да ја претставам мојата Skoda Felicia Combi 1.3 LX од 1996 година алијас "молерски сан" (пред мене ја гледале некои молери, им фаќала око ама им се видела многу сочувана па се откажале од купувањето). Во моја сопственост е скоро година дена и купена е со околу 98 000 километри.

Основни спецификации
Модел: Škoda Felicia I Combi
Година: 1996
Каросерија: 5 врати, караван
Мотор: 1.3 бензин, 4 цилиндри, OHV
Работна зафатнина: 1.289 cm³
Горивен систем: двокоморен карбуратор
Карбуратор: Pierburg 2E3 / Jikov 28-30 LEKR
Моќност: 43 kW / 58 КС
Вртежен момент: 94 Nm при околу 3.000 врт./мин.
Менувач: 5-брзински мануелен
Погон: преден (FWD)
Должина: 4.205 mm
Ширина: 1.635 mm
Меѓуоскино растојание: 2.450 mm
Резервоар: 42 литри
Маса: приближно 970 kg, зависно од изведбата и опремата.

[MartinAlfista]

Џам, и одлична боја дури!

Сигуено можеш да и ретрофитнеш доста електрични работи од Поло (па и клима веројатно), мислам дека доста работи делеа и овој модел беше зачетокот на денешната Шкода под VAG управа.

[MarceCvarce]

Oktavia na 90tite. Iako e prilicno pomala ova beshe togashnata ‘kakva skoda se zema za tie pari’ 😂

[AUUU]

Браво, колку е сочувана. Со здравје да те служи.

[FiLo]

Создравје да ја возиш.

Ако нема плин, не и ставај, само ке се измачуваш со плинот, никогаш нема да и ја погодиш смесата, во рок од неколку часови те богата, те сиромашна смеса.

АКо ја возиш на сиромашна смеса со затегнат плин, ке ја преполовиш силата, а пак исто ке троши како и со идеална наштелована смеса.
Ако успееш некако да ја дотерш да оди ок на плин, ке ти троши во просек до 4 литри повеке плин во однос на бензин.

Со мало пазење не троши повеке од 8-9 бензин градска (наспроти 12-13 литри плин, а зимно време и до 15 литри плин).


Ако нешто друго те мачи, тука сум, во сон и ги знам сите маки и болки, решливи воглавном, само знаат понекогаш на нерви да одат.

[vladic3110]

Фабрика, дома ја има чувано некој.

[Bravo]

Брееее фабрика. Со здравје да се вози.

[zeroSignal]

Дури сум изненаден колку е стакло. Ај надвор, ќе си речеш можеби е фарбана, вака-онака... Ама внатре? Браво.

[Jimny]

96 година на Шкода беше многу популарна во Македонија, татко на другар имаше кратка верзија, само со друга боја купена нова,поп беше нешто као розе/црвено. Оваа боја и таа боја беа популарни тогаш, ако добро памтам. Се продаваа некаде на влез на Автокоманда.

[Carpathian Lord]

Кукла! Имам пораснато во вакви. Првата ни беше обична 1.3 со карбуратор како оваа 1997, втората караван 1.6i ама фејслифтот од 1999.

Се учев да возам на овие количиња покрај Zastava 128. Предобри се.

[kalimero]

Честитки, да ја изнавозиш.

Колку сакав ваква Фелиција, црвена ГЛХ, наместо тоа татко ми купи Самара
Во тоа време излезе Хјундаи Акцент, Киа Сефиа, Фелицијава, сите многу убави и до ден денес.

[Prof. Greenthumb]

Бооо фабрика шкодилакот, со здравје да се вози

[Carpathian Lord]

Честитки, да ја изнавозиш.

Колку сакав ваква Фелиција, црвена ГЛХ, наместо тоа татко ми купи Самара
Во тоа време излезе Хјундаи Акцент, Киа Сефиа, Фелицијава, сите многу убави и до ден денес.

Чичко ми тогаш зеде од оние новите Лади 110. Тогаш сите избрзаа изнакупија коли пред да се воведи ДДВ.

Мислам тогаш Inter car така некако се викаа што нудеа Лади и даваа добри попусти и луѓето се летаа по Ладите.

Не дека се лоши коли за цената ама веќе тогаш изгледаа демоде.

[Shuriken]

Ви благодарам на сите за убавите зборови. Подолго време барав кола со "карактер", новиве ми се некако премногу стерилни и монотони. Оваа кола баш ми ги исполни очекувањата, има некоја посебна драж кога одиш на подолго патување со неа.

Е сега, како секоја стара кола, има по некоја работа за средување. Ауспухот беше во лоша состојба, го заменив цел во Aspo по препорака на член на форумов, ама сеуште удира доле некаде и особено се чувствува на забрзување. Бев во Авто ЦО затоа што повеќе форумџии ги фалат, ама јас се разочарав малку поради тоа што ми кажа дека не е страшно, терај вака и не ми наведе баш некоја причина поради што се јавува тоа тропање. Јас се сомневам на некој држач на мењач или мотор, најверојатно ќе се вратам пак таму и ќе ги замолам да проверат уште еднаш.

Друга работа што треба да се среди се кочниците. Колата кочи, ама педаљата е некако доста мека и се слуша некој тшшш звук кога ќе ја притиснам кочницата. Гуртните се океј, не знам што уште би требало да проверам.

Претпоставувам дека повеќето ќе ги препорачате Авто ЦО за сервис, а и јас би сакал да ја носам колата на едно место и да не шетам по мајстори, ама ако имате предлог за друг добар мајстор што го познава овој модел, ве молам да ми препорачате.

@FiLo Ако сакаш остави ми твое телефонско бројче во приватна порака, би сакал да те прашам уште некои работи.

[FiLo]

За кочниците, има голема шанса да ти е пумпата, односно главниот кочионен цилиндар напред нели што е на сервото.
И кај мене иако имав заменето и гуртни и задни клипчиња и глицерин, испуштен воздух и последните месеци имаше такви симптоми, пропаѓаше педалата, а на друкање 2-3 пати при кочење добиваше притисок педалата.

Во однос на тропањето што велиш дека го приметуваш кога забрзуваш, да претпоставам при шалтање брзини ? Слушаш "TAK" удар ?
Дали кога возиш 4та или 5та при пониски вртежи околу 2000 и дадеш гас ти клати лево-десно предницата ?