Си купив (пред 5 месеци) iphone 6s од istyle нов за 18.800 денари. Е сега повеќето ќе ме правите будала во стилот, каков андроид се купува за тие пари или половен некој телефон, ама да се објаснам зошто:
1. Долгогодишен корисник сум на андроид и сакав да пробам apple екосистем
2. Буџетот ми беше толку, а телефон на старо не купувам
3. Сакам мали телефони, на почетокот сакав да купам iphone se, но повеќе не го продаваа во istyle, ова беше next best thing
4. Има headphone jack
Е сега после користење на телефонот скоро половина година да пренесам некој импресии. Прво бев импресиониран од самиот анбоксинг, квалитетот на кутијата и како се внатре е фино спакувано и на свое место, некој посветил многу време на самата кутија, го сфатив поимот premium feel
.
Oколу самиот телефон, се изненадив како телефон од 2015-та година се уште има поддршка во 2020 година, моментално е на ios 13.4.1, а најверојатно ќе добие и ios 14. Околу перформансите во овие 5 месеци не забележав никакво кочење, сецкање, random reboots, се е silky smooth, спореден со samsung galaxy a40 што е буџет телефон но сепак нов, 6s-от е значително подобар(освен во екранот и батеријата).
Околу екранот, сосема доволен за мои потреби, мал е со големи рамки, но трендов со новиве телефони без рамки никогаш не ме воодушевувал, тачот е одличен.
Околу камерата, сосема доволна да не речам одлична за мои потреби, да сме искрени колку од вас често ги користат широкоаголната и телефото камерата.
Батеријата(најслабата страна), со едно полнење вадам некаде 4 часа sot, што мене ми е сосема доволно. Активен вибер, фејсбук, месенџер, два емаил клиенти, сурфање, гледање видеа, нетфликс и слично, што за толку мала батерија и не е лошо и брзо се полни.
Околу софтверот, на почеток ми требаше малку привикнување, се уште ми смета што за да префрлам видео или музика морам преку itunes и што не можам да праќам преку блутут слики на андроид телефони и што icloud е бесплатен до 5 гига.
Планирам да го користам телефонот барем додека му истече гаранцијата и после би го зел новиот iphone se.