Јана беше типична скопска девојка- паметна, мила, посакувана, добра. Потекнуваше од конзервативно семејство кое живееше во една мала скопска населба.
Првата љубов ја доживеа во средно, со Боби, но за жал кратко траеше. Кај го најде тоа сиромаво дете? Одма да си се тргнала од него. Што ќе кажат комшиите! – велеше мајка и.
Се запиша на филозофски каде што заврши со највисок просек, но и со длабока љубовна рана. Таму го запозна Љупчо, прекрасно момче од Виница, во кое инстантно се вљуби, но тука повторно се вмешаа нејзините: Пу, кај го најде провинцијалец, па што ќе кажат комшиите!
Доби стипендија на Сорбона и отиде на постдипломски во Франција каде што го сретна Џозеф, симпатичен французин. По 6 месеци забавување реши дома да се пофали дека фатила француски фраер.
-Браво ќерко машала, дај слика да го видиме, рече мајка и. Јана веднаш на скајп испрати слика на мајка и која насмеаната фаца ја промени во ѓаволска лутина. Џозеф беше црнец.
– Првиот авион и дома да се вратиш, со црнчуги ли те пративме таму да се онакваш. Што ќе кажат комшиите! Јана мораше да ги напушти студиите и да се откаже од уште една голема љубов.
Се врати во Скопје и единствена работа која ја пронајде беше во маалскиот кафич како келнерка. Мајка и бесно викна: – Одиш таму секакви мажишта да те драпаат, веднаш да си дала отказ. Па што ќе кажат комшиите, курва дома чуваме?
Деновите ги поминуваше осамено се до едно лето кога отиде на одмор во Анталија. Таму го запозна Берто, синоок убавец од Истанбул. Се гледаа тајно две години тој постојано доаѓаше во Македонија и реши да ја побара за жена. Но, кога слушнаа мајка и и татко и срипаа како бесни рисови, со пцовки го избркаа Берто, а Јана ја искараа: Со муслиманиште ли најде да одиш ќерко. Леле, што ќе кажат комшиите брука! Јана долго време се бореше со депресија од која излез најде на Фб.
Тука го запозна Горан, можеби најдобриот човек што го запознала во својот живот. Со него беше пресреќна, а веќе имаше 34 години. Горан беше разведен со две дечиња. Жена му го оставила за друг. Одлучија заедно да почнат да живеат. На таа одлука срце ги стрефи нејзините.
– Со разведен човек се бафташ ќерко, резил ќе пукне. Што ќе кажат комшиите! Тоа беа зборовите на мајка и, а воедно и наредба да го остави. Јана, конзервативно воспитана, научена да ги прави родителите среќни мораше да се откаже и од Горан.
Поминаа две години, а гласот на мајка и пак се јави: – Јана душо, 36 години имаш. Абер немаш од мажење и од деца.
Па знаеш ли колку ни е срам од роднините. Па што ќе кажат комшиите? Јана само немо ја гледаше и се затвори во својата соба. Утредента мајка и ја најде обесена над креветот, со проштално писмо на креветот кое гласеше: Ме заеба Лацио на ливче.
Знаете која беше нејзината прва реакција? -Леле се обесила, што ќе кажат комшиите!
Наравоучение: Никогаш не го ставајте Лацио на ливче за стоиљади.
