15.07.2023 година, 136.260 километри.
Заменето:
- Пумпа за вода Airtex 1898 со сензор и дихтунг
- Термостат Gates TH33892G1 92°C
- ПК каиш Continental 5PK1355
- Антифриз концентрат Valeo Protectiv 112 G12, 3l
- Дестилирана вода, 60l
Хардверот набавен од
@Prcot .
Прво, направив комплетен и прописен coolant flush...
Постапката беше следна - на ладна кола, го извадив капачето од резервоарот за антифриз, го стартував моторот, парното на 4-ка и го отворив пластичниот вентил на хладњакот доле десно. Како течеше доле, така дотурав дестилирана вода во резервоарот, дур не потече кристално чиста вода.
Нешто измеѓу 50 и 60 литри дестилирана вода потрошив.
Откако веќе се избистри, го изгасив моторот и пуштив да истече колку може да истече течност, како за промена на антифриз или пумпа за вода или термостат, регулар. Истече 3.8 литри, мерено, плус 100-200 spillage кога ја извадив пумпата за вода.
Наредно, почнав да растурам за да стигнам до пумпата за вода и термостатот. Прво, оди куќиштето за филтерот за воздух... Чистење - обавезно.
Наредно, се вади десниот држач за мотор, па ПК каишот, па ременицата на ПК каишот. Морав да го потпрам моторот...
Мала дигресија - видов пукнатини на гумата од држачот на моторот, и најверојатно ќе го сменам за скоро, иако не осеќам никаков проблем од него.
Ги замаскирав алтернаторот и компресорот за климата, пошто не знаев што да очекувам кога ќе ја извадам пумпата, да не правам неред.
Цревата ме измачија малку, ама не беше страшно...
Замената е pretty straight forward, вадиш-ставаш, со внимание на дихтунгот и различната должина на шрафовите. Се затегаат на 8nm и тие од термостатот, заедно со овие од пумпата.
Прснав силиконски спреј на цревата, од разбирливи причини.
Почнав со монтажа, обратно - фин скочбрајт и брејк клинер за да ја "светнам" површината за дихтунгот (не сум сликнал, стакло се направи), шрафовите на ременицата на 20nm, нов ПК каиш, држачот на моторот 40 и 60nm, па куќиштето на филтерот.
Фабричката пумпа, речиси и да немаше знаци на користење. Сијаше внатре. Термостатот беше "заварен" за пумпата, морав со гумен чекан да ги раздвојам.
И на крај, дојдовме до "најинтересниот" дел за мене. Поточно, најмачниот - отстранување на воздух од системот. По упатство, системот на Z14XEP моторот си прави bleeding самиот, на начин што се дотура течност (во овој случај - чист антифриз, пошто во блокот веќе имаше само чиста вода), па се стартува моторот, и се остава да работи додека да отвори термостатот.
Проблем - иницијално собра само 2 литри чист антифриз. Не само што постигна работна температура, туку и надмаши - преку 105 степени, перката стартуваше и во втора брзина, и не успеа да ја симне, јер недоволно течност. Оставив преку вечер, утредента паднато беше нивото, но собра само уште литар антифриз.
Е сега, пошто секаде каде што проверив, вика дека овој мотор собира 5.5 литри, а во упатството од колата вика 6.6, а по вадењето на пумпата извадив 3.9 литри, а дотурив само 3 литри антифриз, по мојата математика фалеа во системот уште околу литар течност (дестилирана, заради 50-50).
Вториот ден пак ја стартував, пак префрли 105 степени, па пак ја оставив преку ноќ. Парно немав. Третиот ден, ладна, нивото на течност не беше речиси воопшто паднато.
Грешка во упатството е што не пишува дека треба да се провози колата, а не само да постигне температура во место. Ја провозав, во вожња си беше нормално комплет, не крена повеќе од нормално, 85-90. Повлече, и падна нивото во резервоарот поприлично.
Денеска дотурив уште околу 500-600 милилитри и тоа е тоа - операција успешна. И парно добив, температура не крева повеќе од нормално, перката си го лади моторот дури и во место.
17.07.2023 година, 136.271 километри.
Заменето:
- Масло Valvoline SynPower MST C3 5W-40 dexos2 5l
- Филтер за масло Hengst E611H D442
- Филтер за воздух Hengst E352L
- Филтер за гориво Hengst H110WK
- Филтер за полен Hengst E910LI
- Свеќички Bosch FQR8LEU2 х4
- Батерија за далечинско Maxell CR2032
- Сензор за притисок на масло Febi Bilstein 17665
- Црево за маслена пареа GM 56 56 132
- Црево за маслена пареа (картер) GM 56 56 121
- Капаче за масло Febi Bilstein 17799
- О-ринг на шипка за масло х2
Во прилог некое сличе, пошто немав што посебно да сликам.
Денеска ме измачи малку бобината, тешко ја извадив, а многу ме измачи филтерот за гориво, пошто немам правилен алат (клешта) за осигурачите.
Капачето на капакот од вентилите го сменив пошто оригиналното солзеше уље по малку. Грда жолта е новото, ама јеби га.
Капачето од резервоарот ќе го заменам чисто превентивно, немам проблеми.
Како и да е, имам уште работа.
Иако имав доста работа и потрошив доста време, ми беше задоволство и терапија. Поготово ќеф што си сработив сам, комплет. Знам што е заменето и дека е БАШ по пропис.
Набавено, чека ред и асистент да се ослободи по дома, пошто ова сам нема да можам:
- Ударен буфер за задни спирали x2 Febi Bilstein 38228
- Предни црева за сопирачки x2 TRW PHD500
- Задни црева за сопирачки х2 Febi Bilstein 14764
- Глицерин Valeo DOT 4, 1.5l
- Капаче од резервоар Febi Bilstein 01226
Набавив и дихтунг за капакот од вентилите, бев решен да го менувам, но не можам да најдам ни капка масло да пушта од негде, така да го оставив. Кога ќе протече - го имам, ќе го сменам.
Есапот не ми е направен, страв ми е да го направам. Ќе го направам кога ќе завршам со замената на сите делови.
Битно нема работна рака.
