Здраво клабери.
После подолго време, да ја освежиме темата. Фордчето си ја брка работата одлично, а тековно си доби и некои заслужени сервиси последниве месеци:
1. Во април месец, средив некое проблемче околу грејачи (грешката која се јави откако дојде колата во МК и првиот пат турив гориво од Макпетрол и не палеше како што треба од прва). Испадна дека проблемот бил до осигурувач + спој/дотраени жици/контакти. Се среди ова за 2000 ден. После ова никакви грешки не појави на дијагностика. Мора грејачите да се одржуваат во топ форма, пошто учествуваат во процесот на регенерација на ДПФ, па мора да е се во ред, за да функционира како што треба.
2. Направен мал сервис во Јули месец, пред да се оди на одмор:
- масло LIQUI MOLY, 0w-30 Special Tec F
- филтер масло Hengst
- филтер воздух Hengst
- филтер гориво PSA (оригинално се вградува во Форд)
- масло во менувач LIQUI MOLY, 75w MTF 5100
Деловите + работна рака. 10.000 ден
3. Пред 2 недели, пошто со време се засили rattle звукот кој го имаше, а и во една прилика после подолг пат, осетив промена во кумплугот, решив да не чекам и ризикувам и сменив комплет сет кумплуг со замаец LUK (385 eur). При овој зафат, сменив превентивно и термостат Gates 3200 ден плус два семеринзи (900 ден). Работна рака овде, 8000 ден.
4. Си зедов OBD2 адаптерче од Temu (700 ден) за да си следам дијагностика, а осебно состојба со дпф.
5. Од Temu зедов и еден крем за чистење фарови, пошто на горниот дел, на двата фара подеднакво почна да се јавува жолтеење. Реков да пробам со поефтина варијанта дали ќе успее, пред да одам кај некој да ми зема 1000+ ден за полирање. Средството беше околу 4 еур мислам и заврши добра работа. Еве после 2 месеци, се нема вратено жолтото пак. Ако го интересира некој, ќе постирам и слики пред-потоа, како и линк до средството ако му треба.
6. Ми откажа bluetooth-от
, па не можам да си го поврзам телефонот. Гледав некои yt видеа како можи да се проба да се ресетира со осигурувач, ама не сум се одлучил до толку да чепкам. Стандардните начини за ресет преку радиото не помогнаа.
7. Едно прашање - дали стоп светлото назад, односно сијаличката има две нивоа/начини на светење? Пошто проверив, двете страни светат црвено без притискање кочница, ама изгледа при притисната педала, истите сијалички светат појако...? Пошто ми титка аларм за стоп светло, едната ја сменив (левата), ама продолжува да титка, ваљда ќе треба и десната.
Сменив и позиција напред лево и десно. Менувањето е многу лесно. Цел фар се вади со два штрафа и раат си работиш на страна.
Во моја сопственост, досега направени скоро 6000 км и сум презадоволен од колата во секој аспект: потрошувачка, практичноста пошто е караван, а вожњата и лежењето на отворен пат се посебно уживање. Останува редовно да се одржува и да не следи среќа по патот. Со all season гумите GoodYear Vector 3 исто сум презадоволен, само чекаме права зима и да се прошета негде на планина, да го тестираме и тоа.
Следен update здравје за регистрација крај на Јануари.
