Денес возев по Скопска обиколница од Ѓорче кон Белви.
На удолницата после Волково кон исклучувањето за Орман возев со 130 на темпомат. Пред мене имаше Голф 4 кој што возеше отприлика 100 км/ч.
Погледнав на ретровизор, немаше никакво возило позади мене, и нормално лев жмигавец и се престроив во левата лента за да го заобиколам Голфчето со време за да не го сецкам темпоматот.
Кога веќе го поминав Голфот, погледнав на ретровизор за да се вратам повторно во десната лента. Немаше возила. Целиот маневар на претекнување се одвиваше многу бргу како и секое "глатко" претекнување.
Само што го дадов жмигавецот и таман да "цимнам" на десно за да се престројам од десна страна ми прелета гомнар на мотор со преку 200 на саат. Малоумникот влезе во макази од лева страна на голфот што го претекнав и десна страна на моето возило. Буквално помина "цик цак" помеѓу колите. Јас не го видов нити го очекував на ретровизор затоа што од искуство не сум имал изненадување од побрзи возила зад мене. Доста рационално ги пресметувам маневрите на претекнување и никогаш не влагам во непотребен ризик. Несакам ни да помислам што ќе се случеше ако пробав да се престројам една секунда порано. Веројатно ќе беше фатално за тој на моторот и ќе требаше да го одлежам по затвор.
Целата сцена беше толку молскавична и ненадејна, и за мене и за типот во Голфот кој што возеше цела фамилија во кола. Првпат во животот се почувствував уплашено заради последиците кои што можеа да се случат за само дел од секундата, и над кои што неможев јас лично да влијаам.
За гомнарот што помина на мотор, му посакувам се најдобро и се надевам дека кога ќе реши да гине дека нема да зацрни некој недолжен