....
Нити е само до возачот, нити е само до моторот. (Добро, најмногу е до возачот). Поновите турбо-бензински мотори со директно вбризгување и варијабилен усис треба да го имитираат дизелот за да бидат поефикасни и поекономични. Тоа потекнува од времето на атмосферците пред да почне турбо-ерата кога целиот систем се навикнуваше на самиот стил на возење. Одзив на педала на гас, ако е автоматик одзив на менувач, колку максимално вбризгуваат инјекторите, итн. Поради различните стилови и желбата да се вози различно во различен период, затоа повеќето произведувачи го минимизираа адаптирањето и воведоа три или четири различни стилови на возење. Нив можеш да си ги менуваш по избор.
Сега конкретно за економично возење:
Тоа е всушност крузање со минимално вбризгување на бензин дури и педалата за гас кога е отпуштена. Но, за да се задржи забавувањето, сепак вбризгува помалку отколку што му треба за да ја оддржува брзината константна. Кај 1.0 моторчињата (без разлика дали е форд/ФауВе/Хјундаи/Киа) со тој мал волумен, а релативно тешка шасија и со пливање во сообраќај можат да се извадат многу ниски бројки на потрошувачка. Јас имам осетено кај мојата во градски сообраќај ако менуваш на ниски вртежи, пливаш во сообраќај, не забрзуваш нагло, и отпушташ гас пред семафор, ретко паѓа потрошувачката до 0, туку речиси секогаш се врти околу 2-3л/100км. Така верувам е и кај тебе. Понатаму, додека не загрее, дури и на удолница вбризгува бензин/богата смеса за да ги загрее катализаторите и моторот за да почне да вози најефикасно што може.
Да речеме БМВ со неговиот EfficientDynamic, или Мерцедес со неговиот BlueTec/Blue Efficiency ја имаат мапирано цела Европа и имаат тродимензионален модел од сите патишта и автопатишта и ја знаат надморската висина на секоја возможна точка на секој пат. Комбинирано со системите за препознавање знаци и нивниот систем за навигација однапред пресметуваат кога и како да отпуштиш гас, кога да дадеш гас, кога да забрзаш, кога да намалиш за најекономично пливање во сообраќај (дури и со брзини над 140км/ч). Поинтересно е што таа технологија во товарните возила/влекачите ја намалува потрошувачката со некои си 4-7л/100 километри.
Пред некој месец постирав тука една студија со Форд Фокус и германските автопати која се бави со точно таа проблематика.
Но, за жал, најголем број од возачите немаат појма како се вози економично, а уште помалку имаат појма како да оддржуваат колку-толку константна брзина и да пливаат со сообраќајот. А од друга страна многу од нив баш им е гајле за тој пола литар/до литар пониска потрошувачка.
