НАЈБРЗИОТ ЦИРКУС СЕ ВРАЌА НА СТАРИТЕ ПАТЕКИ
Формула 1 од 2012 повторно во САД
Прв пат во историјата на Ф1 во Америка патеката според првокласни светски стандарди ќе биде изградена токму за овие потреби, изјави Еклстон
Шампионатот во Формула 1 од 2012 година ќе се врати во САД, изјави првиот човек на ова натпреварување Берни Еклстон. Домаќин на најдобрите возачи на денешницата ќе биде Остин, главниот град на државата Тексас, а потпишан е и договор на десет години.
- Прв пат во историјата на Формула 1 во САД, патеката според првокласни светски стандарди ќе биде изградена токму за овие потреби, изјави Еклстон.
Според договорот кој е потпишан во Остин, 15-от град според големината во САД, ќе биде домаќин на трките од Формула 1 до 2021 годинина.
- Многу сме горди што успеавме да постигнеме договор со сопствениците на комерцијалните права во Формула 1. Веќе неколку години грижливо работевме за да го донесеме ова фантастично збиднување во Остин и државата Тексас, и повторно во САД, изјави извршниот директор и промотор на трката Тејво Хелмунд.
Последната трка за Големата награда на САД е одржана во Индијанополис во 2007 година, а на неа триумфираше Луис Хамилтон во Мекларен. Еклстон од тогаш бараше нов домаќин бидејќи тимовите, произведувачите на автомобили и спонзорите посакуваа да се вратат на еден за нив најзначајните пазари. Во последно време како можни локации за трката во Формула 1 се спомнуваше Њујорк, но и Лос Анџелес, како и патеките во Калифорнија или Флорида.
http://www.vecer.com.mk/default.asp?ItemID=09559F8910185B49980C8AA4396403A0
