Дојде време да барам нова кола за мене. После подолго мислење и мерење што како, некако највеќе ме влече VW Scirocco посебно откако направив тест-вожња на 1.4 TSI оној од 160KS со мануелен менувач.
Деновиве сум во план да одам да погледам едно Scirocco во истата варијанта само со 7 степен DSG Tiptronic (dry-clutch). Колата има 75.000км и е 2010 годиште од прв газда и наводно е редовно сервисирана.
Дали некој на формуот има искуство со оваа комбинација и на што би требал да обрнам внимание кога ќе одам да ја гледам колата? Дали комбинацијата 1.4 160кс и DSG Tiptronic е добитна комбинација за дефекти. И дали е паметно колата да се однесе на преглед во Порше за нивно мислење?
Поздрав !
Попаметно од носење кола од илјадници илјади евра на проверка - нема. Ако ја однесеш на проверка и колата е фалична, во најлош случај губиш 2000-3000 денари за проверката + горивото до сервис. Ако не ја однесеш колата, а е фалична, ги губиш сите пари кои си ги платил за неа, плус пари за санирање на дефекти.
Од искуства блиски до мене, twincharger моторот има проблем со бобините, имаше мислам и фабричко отповикување за замена. Ако нема, тоа да си пазиш, дали се заменети со другиот, подобрен модел на бобини.
Не знам дали моторов е на ланец или ребраст ремен, ама исто првите генерации на сите зафатнини на TSI имаа проблем со ланците, и за тој проблем има подобрен дел за вградување, околу 1000 евра чини замената.
За постарите генерации на DSG нека ти каже некој што им ја знае историјата. Новите мислам немаат проблеми.