Важната поента е што гледаме директно како се однесува возилото на патот при нагли промени. Немора да се фаќаме само за бројката, туку општо самото однесување се гледа. Секој може да си извлече свој заклучок за тоа. Кај тестовите е важно кога се прават споредби на слични возила кои реално би се споредувале и на голо око би личело дека се „исти“ возила, но се многу далеку од исти во реалноста.
Ако гледаш дека возилото не го почитува правецот како X2 или Пасат или Рав4 или Артеон или BMW M235i Xdrive или Ибица или CX3 или Голф и слично, се однесува ератично, неможе да се искоординира себеси на тестот имаш конкуренти кои можат тоа да го направат. На Рав4 би бил Ц4 еркрос, на Артеон/Пасат би било Ауди А5/Инсигнија/Џулија, на Ибица би била Свифт/Фиеста на Голф би бил Фокус/308/Цивик итн.
Ова е многу корисна работа да се види. Возачите и ривјуерите и ентузијастите ги знаат овие однесувања. Само неможе да се квантифицираат во конкретна бројка. Имено секаде се спомнува дека Фокусот е најдобар за возење, дека Цивикот е одличен за возење, а некои конкуренти се полоши за возење. Ова дава една бројчана компонента на тие зборови што ги читаме насекаде, особено кога се зборува за возила со релативно слична намена и конкурентност. Секако дека тешко е да се одреди преку една бројка дали една кола е подобра од друга, особено кога резултатите се блиски и задоволителни, ама кога резултатите не се добри и има големи отстапувања во однос на конкурентите - тука се забележува дека нешто се случува. И тој резултат треба да се види зошто е таков, и добро-добро-добро да се размисли дали да се купи нешто такво.
Еве јас споредувајќи Поло и Фиеста од иста година, како мои возила можам лесно да ја увидам огромната разлика во управување на тие две возила. И како доаѓаат од фабрика, и како може да се потсредат од страна на корисникот. Имено Полото беше многу тешко да се управува на поголеми брзини, и евидентно е дека морав да ставам -15мм пониски спирали за да се смири колата. И така и беше. Потоа дојде со 165ки гуми, морав да ставам 185/195 за да прекинат да урлаат системите за безбедност постојано. Со такви модификации веќе возилото стана океј, и пристојно за да може според мене да излезе од фабрика. Од друга страна Фиестата беше како по шини уште веднаш. Си доаѓа со 195ки гуми, си има супер возење на колку сакаш високи брзини, едноставно неспоредливо подобро управување според мене. А и секаде каде ќе се прочита тоа. Реално е тоа. Убаво е во старт кога гледам да имам информација дека возилото има некои фалинки, како на пример лоша управливост при нагли промени на правец. Тоа со сигурност би ме одвратило од некоја кола. Конкретно таков пример е Артеон VS Ауди а5. Еве и ист бренд гледаме VAG. Јас не би погледнал Артеон во никој случај, а А5 би зел со задоволство. За исти или слични пари.
Ова е екстремно корисен тест како целина на тест, а не само бројката која ја вади. Самото видео нуди доста добар преглед на возилото.