Pirelli ја напушта тврдата компонента Напишано од pitstop.com.mk Понеделник, 08 Август 2011 10:49
Шансите на Ferrari за успешна сезона се зголемени откако Pirelli најави дека компонентата која што им предизвикуваше проблеми на Ferrari нема да се користи до крајот на сезоната.
mafija je konacno prodadilaПознато е дека овогодинешниот болид на Ferrari подобро се прилагодува на помеките пневматици отколку на проблематичната тврда компонента.
Мотоспорт директорот на Pirelli, Пол Хембри, најави дека тврдата компонента нема да се користи на наредните три трки, а најверојатно ни во остатокот од сезоната.
„Мислам дека нема повеќе да ја користиме тврдата компонента. Таа се покажа премногу тврда, а средната компонента се покажа доста подобро на агресивни патеки.“ - изјави Хембри.
Хембри додаде дека тврдата компонента нема да се користи ниту во наредната сезона, а како нејзина замена ќе се создаденов тип пневматици кој што ќе биде „вметнат“ помеѓу меката и средната компонента.
„Во новата сезона, средните пневматици ќе бидат новите тврди пневматици. Најверојатно ќе вметнеме нов тип пневматици помеѓу моменталните меки и средни пневматици. Секако, разликата помеѓу пневматиците сакаме да остане една секунда како и различните новоа на деградација.“ - заврши Хембри.
